Pay guidelines alang sa umaabot holiday, gipagawas sa DOLE!

NAGPAGAWAS ang Department of Labor and Employment kon DOLE og pay guidelines!
Aron sa pag-remind sa employers sa eksaktong compensation sa mga empleyado nga mo-duty sa Ninoy Aquino Day sa Agosto 21 ug National Heroes Day sa Agosto 26, 2024.
Sa advisory, gibutyag ni DOLE Secretary Bienvenido Laguesma nga ang mga empleyadong motrabaho sa Ninoy Aquino Day nga gideklarar nga non-working holiday.
Kung dili motrabaho ang employee mahimong i-apply ang “no work, no pay” policy gawas lamang kung adunay favorable company policy, practice o collective bargaining agreement kon CBA nga magtugot sa payment sa nahisgutang special day.
Makadawat ang employee og dugang 30 porsyento sa basic wage sulod sa unang walo ka oras sa trabaho.
Kung molapas sa walo ka oras, mobayad ang employer sa empleyado og dugang 30 porsyento sa hourly rate sa nahisgutang adlaw.
Kung matunong ang special day sa rest day sa empleyado, mobayad ang employee og dugang 50 porsyento sa basic wage sa unang walo ka oras sa trabaho.
Samtang sa National Heroes Day, bisan pa og dili motrabaho ang empleyado suholan gihapon kini og 100 percent.
Alang sa mga motrabaho kinahanglang bayaran sila sa employer og 200 percent nga suholan sa empleyado sa unang walo ka oras.
Kung molapas sa walo ka oras trabaho, aduna kini dugang 30 porsyento sa hourly rate sa nasangpit nga adlaw.

SOURCE: GMA NEWS
Photo: Iloilo Metropolitan Times