Lalaki nga napalgan sa bakante’ng luna sa Talisayan Misamis Oriental, gituohang gipusil-patay!

GITUOHANG gipusil-patay ang lalaki’ng napalgan sa usa ka bakanteng luna sa Purok 2, Barangay Punta Santiago, Talisayan Misamis Oriental!
Biktima giilang si Willy Boray, 33-anyos, menyo ug residente sa Purok 3, Barangay Tagbokbok sa nahisgutang munisipalidad.
Base sa inisyal nga imbestigasyon nga naligo sa kaugalingong dugo ang biktima ug adunay narekober sa crime scene nga upat ka empty shell sa bala.
Giingong Sabado sa hapon nananghid ang biktima sa pamilya nga molakaw ug wala kini nakabalik kagahapong adlawa.
Matud ni Talisayan, Municipal Police Station Investigator On-Case Police Chief Master Sergeant Edison Ocat nga padayon pa nila’ng gi-imbestigaran ang insidente.

“…dili pa nako ma disclose ang pinaagi sa pag pusil pero didto sa crime scene adunay nakita nga upat ka empty shell, upat ka fired cartilage case, sa pagka karon dugang pami sa investigation ug mo kuan sa pamilya kung mo uyon ba sila nga mag conduct og autopsy sa maong patay’ng lawas, depende lang gihapon na sa ilahang kabubut-on kung ok, ang samad naa sa iyang nagkalaen-laeng parte sa lawas…”
Talisayan, Municipal Police Station Investigator On-Case Police Chief Master Sergeant Edison Ocat .

SOURCE: #8
Photo Source: MAPS