Kaso sa dengue sa Cagayan de Oro, misaka!

MISAKA ang kaso sa dengue sa Cagayan de Oro!
Kung itandi mi-aging tuig sugod Enero hangtud Hulyo 31 ning tuiga.
Matud ni City Health Office kon Health Education and Promotion Officer IV Reagan Abbu nga dul-an 40 percent ang pagsaka.
Nag-alerto karon ang buhatan nga sugpu-on ang sakit nga dengue aron dili mahimong epidemic human nakasulod na sa alert level threshold subay sa datus.

“..Yes kung ikumparar nato ang atong data sa miaging tuig sa 2023 sa January to July 31 lugar, ikumparar nato siya sa January to July 2024 naa gyuy pag saka more or less siguro sa mga almost 40 percent siguro ang pagsaka kay mubo man gyud kaayo atong kaso atong miaging tuig. Ang atong nasud sa Pilipinas, naa gyud tay pattern na in every 2 to 3 years aduns gyud na’y mamatikdan na increase lugar sa mga kaso sa dengue ug karon na tuig, naa gyud ta sa ikaduwa o ikatulong na tuig na ma- anticipate nato nga musaka gyud ni siya so maunang naa tay makita sa atong data naa pagsaka pero mao ning mag-alerto na kita kay base sa atong data naa paman siya sa alert na threshold, naa pa sa sulod pa sa alert level threshold so mao ng kailangan nga pinaagi aning imong mga interview na mapasibya nato para madunggan sa katauhan nga ang atong mga pamaagi o kung unsaon pagsumpo sa Dengue aron dili kita muabot sa epidemic threshold…”
City Health Office kon Health Education and Promotion Officer IV Reagan Abbu

Hinuon, sa region 10 as of July ang Cagayan de Oro ang pinaka-mubo og kasong natala apan dili angay magkumpyansa.

“..sa Region 10 so far lugar sa previous July, kita mo’y pinakamubo og kaso nga natala pero dili ta magkumpensa kay basig pagmata na to sa sunod semana o sa katapusan sa August kita na ang number 1 so ang ato padayon lang kita sa atong kampanya batok ang sakit sa Dengue..”
City Health Office kon Health Education and Promotion Officer IV Reagan Abbu

SOURCE: SHV
Photo: Continental Hospitals