Impormasyon nga mikatag nga nang apod apod og 10-mil pesos nga ayuda si 1st District Congressman Suan, dakong bakak sigon ni 1st District Assistant Director Amplayo!
DAKONG fake news ang mikatag online pinaagi sa usa ka page nga adunay 10-mil pesos nga ayudad nga ipang-apod apod ang opisina ni Cagayan de Oro 1st District Representative Congressman Lordan Suan!
Diin hangtud duha ka indibidwal sa matag pamilya ang maka-avail sa maong kantidad.
Matud ni 1st District Assistant Director Bert Amplayo nga subo pamalandungon nga adunay nagpakatag og sayop nga impormasyon nga nakahatag og kalibog sa katawhan.
Gituohan nga gihimo kini aron dauton ang opisina sa Kongresista ilabina nga nagsingabot ang eleksyon.
“..usa kana kadako nga fake news. Naa man gyuy gipakalat karon online sa usaka Facebook page nga nag ingon ang mga Kagayanon ilabi na ang taga distrito 1, maka-avail sa 10,000 pesos nga balor sa ayuda, dinhi sa opisina ni Congressman Lordan Suan sa Suan Arcade matud pa sa matag pamilya, pwede makaavail ang duha ka myembro niini sa tag 10,000, so ato pa kada pamilya naay 20 mil ka pesos. Kana usa kana kadakong bakak og nakahatag og kalibog, false hope kung sabaga ngadto sa mga tao nga ilang na ilad. So subo kaayo nga naay mga grupo sa katawan o indibiduwal nga gapangitag pamaagi nga makahatag og kalibog o dili tukma ug haom nga mga impormasyon nga ilang gina sabuwag sa katawhan…”
1st District Assistant Director Bert Amplayo
Giingong usa sa makonsiderar nga anggulo nga ang kaatbang sa politika ang mihimo niini apan dili nila matumbok kung kinsa nga kaatbang.
“…unsa man say ma konsiderar nga anggulo kay lisod man sad kaayo nga maghimohimog scenario tali ingon ana kay di mana maayo sa amo. So ang ang tendency gyud ana is it should most probably be coming from the other side and we don’t know which side exactly kung kinsay ug asa ni sila, pero definitely it is not coming from our ah style of people, kung sabaga sa among kagalingon, wala na naggikan sa amo kay kami matinud anon mi sa amo pagpanurbisyo. Ug kung unsa may mga ayuda available na nadala namo gikan sa DSWD, ug sa DOLE amo na gina announce sa among official facebook page, dili sa kinsa nga unofficial…”
1st District Assistant Director Bert Amplayo
Una nang mikatag sa social media ang giingong post nga maka-avail og 10-mil pesos nga ayuda ang katawhan gikan sa opisina ni Suan diin makita ang hulagway niini kauban ang si Former Oscar Moreno.
SOURCE: SHV
Photo: Philippines News Multimedia
