Gipasakang kaso batok sa unom ka manager sa COWD, giingong dili valid sigun ni BOD Caño!

DILI mahimong magpasaka og kaso ang Interim o Regular officials sa Cagayan de Oro Water District nga wala’y authority o pagtugot gikan sa Board ug Office of Government Corporate Counsel kon OGCC!
Kini ang pamahayag ni COWD board of Director Gerry Caño nunot sa gi-isyung subpoena sa National Bureau of Investigation kon NBI batok sa unom ka manager sa buhatan.
Matud ni Caño nga ipaabot nila sa personahe sa NBI nga dili mahimong magpadayon ang imbestigasyon gawas lamang kung adunay mapakitang dokumento nga gitugutan ang nagreklamo sa Board ug sa OGCC nga mopasaka og kaso batok sa nahisgutang opisyales sa COWD

“..base sa mando sa atong balaod dili pwede nga ang water district interim man o regular magpasaka og kaso ug walay authority gikan sa board ug walay authority gikan sa Office of Government Corporate Counsel. Walay authority ug personality ang reklamo kay wala may kamanduan nga gitugot sa OGCC or Board resolution nga diin nagpadayag nga gihatagan og otoridad nga magpasaka og kaso, reklamo bahin sa 6 ka mga managers sa Cagayan de Oro Water District. Mao kana ang usa ka butang atong gustong ipaabot sa personahe National Bureau of Investigation nga dili pwede magpadayon ang maong imbistigasyon kung walay ipakita nga otoridad ang nagreklamo nga diin gi authorize siya, gihatagan siyag panugot sa board ug sa Office of Government Corporate Counsel..”
COWD board of Director Gerry Caño

SOURCE: SBPSH
Photo: Google