GIINGONG USA KA TULISAN SA MALAYBALAY CITY, NABANGGAAN PATAY!

NABANGGA-PATAY sa bus ang usa ka lalaki nga giingong tulisan sa Malaybalay City, Bukidnon kagahapong adlawa!
Ang suspek, usa ka lalaki nga 38 anyos taga sa Dapicol, Panglao, Davao del Norte.
Matud ni Malaybalay City Police Station Spokesperson Police Master Sergeant Ken Hanzel Bughaw nga sa pag-ikyas sa tulisan human nanulis sa usa ka lending collector, head-on kini nga nabangga sa bus nga padulong og Cagayan de Oro.
Gigamit sa tulisan ang peke nga armas hinungdan nga nadala ang bag sa collector nga adunay sulod 1, 200 pesos ug motorsiklo.
Naka-angkon sa samad sa kalawasan ang suspek ug nadala sa hospital apan gi-deklarang Dead on Arrival.
Positibo usab kini nga gitudlo sa biktima nga collector.
Kasamtangan nga anaa sa morgue sa Villanueva, Malaybalay City ang lawas sa lalaki samtang nakig-koordinar ang kapolisan sa Davao.

“…ang involve aning atong incident is usa ka Honda XRM ug usa ka Bus, kaning atong biktima mao ni siya ang alledge nga nanghold-up kunuhay nga kanang nakakuha siyag isa ka sling bag nga adunay sulod nga 1,200 ug gidala niya ang kaning motor nga XRM nga gikan sa usa ka lending, gigamitan ni niyang fake nga pusil sa pag ikyas niya na bangga kini siya sa bus…”
Malaybalay City Police Station Spokesperson Police Master Sergeant Ken Hanzel Bughaw.

SOURCE: P.I/#27
Photo Source: TINDA FB ACCOUNT