DPWH, mi-angkon nga wala’y integrated master plan aron masulbad ang pagbaha sa nasud!

GI-ANGKON sa Department of Public Works and Highways kon DPWH nga wala pa’y integrated master plan aron masulbad ang pagbaha sa nasud!
Atol sa pagdungog sa Senado karung hapon nunot sa halapad nga pagbaha nga nahitabo sa Metro Manila ug kasikbit nga probinsya tungod sa hiniusang epekto sa habagat ug bagyong Carina ug butchoy.
Matud ni DPWH Secretary Manuel Bonoan nga aduna lamang sila’y master plans alang sa 18 ka major river basin sa nasud sukad nga milingkod sila sa katungdanan niadtong Hulyo 2022.
Padayon nila kining gi-update aron malakip ang pipila ka factors sama sa climate change.
Samtang, gikwestyon ni Senator Imee Marcos kung asa gigasto ang pondo sa flood control project sa DPWH kung wala’y klarong integrated plan nga gisunod.
Matud ni Senator Marcos nga migawas nga palpak ang plano ug gamay lamang nga proyekto ang giingong 5,500 nga natapos nga flood control projects alang sa gilayong relief sa low lying areas.

SOURCE: NEWS5
Photo Source: ASSISTANCE PH