DOTr mihangyo kang Senate President Escudero nga ipadayon ang pagpatuman sa PTMP!
MIHANGYO ang Department of Transportation kon DOTr kang Senate President Francis “Chiz” Escudero nga tugutan nga magpadayon ang Public Transport Modernization Program kon PTMP!
Human kadaghanan sa mga Senador ang pabor sa pagsuspenso sa pagpatuman sa Public Utility Vehicle Modernization Program kon PUVMP.
Sa sulat, giinsister ni DOTr Secretary Jaime Bautista nga dako na ang na-invest nga pondo sa gobyerno sa nahisgutang programa.
Gani, sa 2024 gibana-banang mokabat sa 1.6 billion pesos ang nagasto sa nasangpit nga program.
Gisiguro sa Kalihim nga dili kini makabalda sa serbisyo alang sa kadaghanan sa mga benipisyaryo sa PUV modernization program.
Gipunto niini nga dili gikinahanglang mopalit gilayon ang PUV operators ug drivers sa modern PUVS human sa consolidation.
SOURCE: ABS-CBN NEWS
Photo Source: METRO NEWS CENTRAL
