Damyos sa sunog sa usa ka simbahan sa Barangay Igpit, Opol Misamis Oriental, gibana-banang mo-abot sa 480, 000 pesos!
GIBANA-BANANG mo-abot sa 480, 000 pesos ang damyos sa pagka-sunog sa usa ka simabahan sa Zone 4-B Barangay Igpit, Opol Misamis Oriental karong buntag!
Matud ni Opol Municipal Fire Station Shift Supervisor Fire Officer-2 Nelson Edrett Ectin nga mi-abot sa 1st alarm ang sunog.
Nadawat sa bombero ang tawag alas 5:16 ug alas 5:20 sa buntag naka-responde.
Walaโy lain nga nasunog gawas sa simbahan.
Imbestigaran usab nila ang hinungdan sa pag-ulbo sa kalayo.
“..estimate naa ta sa 480 thousand. Ato pang gidetermine kung asa man gali siya dapit kamulo pa ang atong tropa og palong sa nabili nga mga baga o kalayo. Na istorya na nato ang usa ka myembro sa simbahan nga matud pa gabii diri sila sa simbahan nag practice, nag pray daw sila as of mga 8pm nihawa sila. So ato unang sayron kung unsa ba gyud ang dagan ana nga istorya. So far walay nadamay nga lahi nga establishment, wala na nakakatay sa uban may gani sayo sila nakatawag ug sayo ta nakaabot..”
Opol Municipal Fire Station Shift Supervisor Fire Officer-2 Nelson Edrett Ectin.
Una nang namahayag ang administrator sa simbahan nga nag-practice og instruments ang myembro niini kagabii.
SOURCE: SR LIVE
Photo: SR File
