Damyos sa pagkasunog sa computer New Nongnongan National High School sa Don Carlos Bukidnon, dul’an 2-million pesos!
DUL-AN 2 million pesos ang structural damage sa nasunog nga computer building sa New Nongnongan National High School sa Don Carlos Bukidnon!
Matud ni Don Carlos Fire Station Arson Investigator SFO3 Fausto Obedencio nga sa ilang inisyal nga imbestigasyon posibleng electrical short circuit ang hinungdan sa pag-ulbo sa kalayo kaganihang alas 11 sa buntag.
Gi-isa sa 1st alarm ang sunog sa konkreto nga gambalay.
Base sa magtutudlo sa lugar nga ang nakasaksak lamang sa outlet sa kuryente sulod sa building ang connection sa internet.
Unang nakamatikod sa aso ang tinun-an sa tunghaan.
Magpadayon ang imbestigasyon sa Don Carlos Fire station
“…nagpahigayon pami ug investigation pero naay posibilidad nga electrical short circuit mao among nakita sa initial investigation, na recieve namo ang tawag alas 11:13 matud pa didto nag sugod gyud kuno ang kalayo 11:05 matud pa sa taga didto, concrete siya nga building pero karaan na nga building, base sa initial naa siya sa 1,920,000…”
Don Carlos Fire Station Arson Investigator SFO3 Fausto Obedencio.
SOURCE: P.I/2
Photo Source: Meliza Mae Castro Crismundo
