CHO nakatala og lima ka tawo nga namatay sa dengue karong tuiga!
LIMA (5) na ang namatay sa sakit nga dengue sa Cagayan de Oro karung tuiga!
Samtang, as of Agosto 12, anaa na sa 870 ka kaso sa dengue ang natala sa City Health Office kon CHO sugod Enero ning tuiga.
Matud ni CHO Health Education Promotion Officer IV Reagan Abbu nga base sa datus sa tibuok rehiyon nagpabiling ubos ang ciudad sa mga kaso sa dengue itandi sa silingang lugar.
Apan subli kining nagpahinumdum sa katawhan nga dili angay magkumpyansa bisan sa ubos nga ihap sa kaso sa tibuok rehiyon.
“…ang atong status so far base sa katong last monday nga na submit sa atong surveillance unit last August 12, from January 1 to August 12 aduna kitay 870 cases sa Cagayan de Oro and naa kitay 5 deaths so far sa karon nga tuig and hopefully maybe later today naay bag-o nga update kay syempre gina validate na nila, but compare nato sa Region 10 sa atong kauban o mga silingan nga probinsya ug ciudad kita ang pinaka ubos lugar nga natala sa kaso sa dengue pero dapat mahibaloan sa mga taga Cagayan de Oro dili ta mag kompyansa…”
CHO Health Education Promotion Officer IV Reagan Abbu.
SOURCE: CIO
Photo Source: CONTINENTAL HOSPITALS
