Cash reward ni Carlos Yulo, dili na kuha-an og taxes sa BIR!

GIKLARO sa Bureau of Internal Revenue nga dili na kinahanglan nga mobayad og taxes sa iyang kadaugan si two-time Olympic gold medalist Carlos Yulo!
Matud sa BIR Section 32(B)(7)(d) sa National Internal Revenue Code kon NIRC nga walay lakip sa income tax ang tanang prizes ug awards nga gihatag sa atleta sa local ug international sports tournaments ug competitions nga gipahigayong sa Pilipinas o abroad ug gitugutan sa ilang tagsa-tagsa ka national sports associations.
Sa section 32(B)(3) sa NIRC, nga dili lakip sa gross income sa recipient ang kantidad sa kabtangan nga giregalo, pamana, pagmugna o kagikan hinungdan nga exempted kini sa income tax.
Gipunto sa BIR nga ubos sa maong kategorya ang rewards nga gitunol kang Yulo gikan sa mga indibidwal ug kompanya.
Ubos sa Section 98 sa NIRC nga ang nakadawat dili liable sa donor’s tax.

SOURCE: ABS CBN news
Photo: Philippine Star