Suspek nga mipatay sa usa ka lalaki sa Claveria Misamis Oriental mitahan sa kapolisan!

MITAHAN kagahapong adlawa sa kapolisan sa Claveria Police Station ang suspek sa pagpatay sa usa ka lalaki sa Sitio Linandang, Barangay Malagana, Claveria, Misamis Oriental!
Suspek giilang si Jundel Humaynon, 19-anyos, residente sa lugar.
Samtang biktima giilang si Lonely Anduhan, 36-anyos, kanhi kaipon sa igsuon sa suspek.
Subay sa report, Hulyo 5 ning tuiga, nag-inom ug nag-lalis ang duruha nga miresulta sa pagtigbas ug pagputol ni Humaynon sa ulo ni Anduhan.
Giingong atol sa paglubong ni Humaynon sa ulo ug lawas sa suspek naanod ang ulo sa pagtabok sa Cabulig river rason nga lawas lamang ang napahiluna niini duol sa lugar.
Matud ni Police Regional Office kon PRO-10 Spokesperson Police Major Joan Navarro nga konsensya ang nagtukmod sa suspek nga motahan sa kapolisan tungod dili na kini makatulog dala sa gihimong krimen.

“…ilahang na retrieve ang maong patay’ng lawas ug ilang nakita noh nga initially aduna kiniy lima kabuok stab wounds diin ang duha niini anaa sa taas nga bahin sa iyang lawas, ang maong patay’ng lawas gilubong nakini, ang ni-surrender nga suspek anaa na sa kamot sa atoang kapulisan paga-fillan kini siya sa kaso nga murder…”
PRO-10 Spokesperson Major Joan Navarro.

SOURCE: SH&V
Photo Source: GOOGLE MAPS