Resolution nga nagtinguha sa paghangyo sa LWUA sa pag-withdraw sa appointment sa Interim officials sa COWD, gipalabang sa Konseho!
NAGPALABANG og resolution si Councilor James Judith nga nagtinguha sa paghangyo sa Local Water Utilities Administrations kon LWUA sa pag-withdraw sa ilang appointment sa Interim of Board of Director ug Interim General Manager!
Human sa gipagawas nga legal opinion sa Department of Justice kon DOJ.
Matud ni Councilor Judith nga napulo ka konsehal ang mipabor sa resolution ug lima ang supak.
“..ang akong gihimo sa konseho nagduso kita ug usa ka sugyot resolution unya salamat sa ginoo gikatigan ko sa mayorya. Napulo ang pabor, lima misupak, ang sulod bali sa akong resolution nga kung mahimo maghangyo ta kay LWUA kay naa naman naghatag naman og opinion bali ang ilang abogado ang DOJ, DOJ ug OGCC pareha ra gihapon na. Kung walay legal basis o kapasikaran ang ilang pag take over ni Water District isip tungod wala kay legal basis giapil pod nako sa resolution nga i withdraw na nila ilang appointment sa ilang interim board ug interim GM para kanako mao ni nagpagubot nag pasamot sa problema..”
Councilor Atty. James Judith
Una nang gibutyag sa Konsehal nga posibleng wala nagkasinabot silang LWUA Chair Ronnie Ong ug Administrator Atty. Jose Salonga!
Kabahin sa pag-take over sa LWUA sa pagdumala sa Cagayan de Oro Water District kon COWD.
Gani mismong si Atty. Salonga ang nangayo’g legal opinion sa DOJ aron mahatagan og katin-awan ang nahitabong kagubot tali sa Interim officials ug regular officials sa LWUA tungod sa kwestyonableng pag-take over.
“..giklaro kaayo nako studyuhan, tun-an pero tingala ka pagka ugma 24 hours naa nag niingon nga take over na dayon si LWUA. Medyo kadudahan kay kung imong tan awon sa legal opinion wala nagkasinabot ang Chairman nga si Ronnie Ong ug Administration Salonga. Base sa legal opinion gi cite didto nga si Salonga naghangyo wala sila nagkasinabot ni Ronnie Ong, Si Ronnie Ong nagkisi kisi diri first take over pero si Salonga nag seek og opinion ni OGCC mao may abogado ni LWUA ug ni Water District. Since nadugayan man siya niadto siya sa DOJ, niadto na lang siya sa DOJ kay di man siya makakuha og diretso direktamente nga nagkagubot nata sa take over, di man siya makakuha og legal opinion diretso nga gikan kay OGCC so napugos si Salonga niadto siya didto kay DOJ…”
Councilor Atty. James Judith
SOURCE: SRLIVE
Photo:CdeO City Council
