Rally nga gipahigayon batok sa Interim officials sa COWD, politically motivated sigun ni Congressman Suan!
GITAWAG ni Cagayan de Oro 1st District Rep. Lordan Suan nga “politically motivated” ang gipahigayon nga rally sa Bantay Tubig Movement ug COWD!
Matud ni Congressman Suan nga dili kini organic ug adunay nagpaluyo niini, tungod “well funded” ug well organized ang mga lihok.
Gipamugos sa Kongresista nga dili kini makatabang sa pagsulbad sa problema sa panubig sa ciudad.
“…para sa ako politcally motivated mana, dili na siya makatabang ang sige nilag sinamok, sige nilag rally-rally unya sa atong nakita dili mana organic, naa may nag paluyo niana, well funded kaayo ang mga lihok, well organize kaayo sa tanan mura natog makita ba nga naa man gyud nagpaluyo ani oh, kana dili kaayo ko motoo ana ilang kuan kay dili man organic nga ang mga tao gyud ang gusto mag rally diha, disappointed man ang mga tao, disatisfied man ta sa current performance sa water district, so nalipay ta nga nisulod ng interim-board kay para tanawon unsa man gyud ang rason nga perting taas atong non-revenue water, nganong daghan kaayog lugar sa atong ciudad dili ma serbisyohan tarong ug tubig, dili mana masulbad kung mag padayon tong karaan nga board of directors kay natural ila gyud nang panalipdan ilang kaugalingon so walay changes nga mahitabo…”
Cagayan de Oro 1st District Rep. Lordan Suan.
SOURCE: SH#V
Photo Source: SR LIVE
