Plano’ng pag-adjust sa job qualifications alang sa Senior High Graduates, gikalipay sa Oro Chamber of Commerce!

GIKALIPAY sa Cagayan de Oro Chamber of Commerce ang plano ni incoming DepEd Secretary Sonny Angara nga i-adjust ang job qualifications aron mahatagan og oportunidad ang Senior High School graduates nga makatrabaho!
Matud ni Cagayan de Oro Chamber of Commerce Chairman of the Board Ray Talimio nga nakigtimbayayong sila sa TESDA tungod sa nakita nilang kakulangon sa pagpatuman sa K-12 kung hisgutan ang employability.
Gidugang ni Talimio nga aron matudloan ang mga magtutungha kinahanglan sila’ng mopailawom sa actual nga on-the job training ug dili lamang pulos theory.

“…kami sa chamber, we have been working with TESDA kay nakita namin na meron talagang kakulangon kining balaod, kakulangon in terms of employability katong mga graduates natin sa K to 12 and then kung makita nimo karon mga advertisement wala gayod sila kabutang diha og at least K to 12 kay ang nila gyud is college level. Ang quality of education nato wala nag-improve. For example kung TVL graduate ka TecVoc dapat pwede ka na ana electrician, pwede naka ana mekaniko, pwede ka na ka ng mga technical and vocational work gamit ‘no, kung na’y TESDA na for example na NC II, kung na ay ihatag nga training on job training ang LGU sama sa Cagayan de Oro for example, ma enhance ang imong employability, so ma achieve nato objective na dili na kinahanglan magtiwas og college para ma-employ. Tan awa ang mga TecVoc graduates natin na dili gani bayo maskin magkumpuni lang siguro kanang suga nga guba, basic lang gayod maski siguro sa sakyanan, actual gyud ang on the job training tan awa ang atong school curriculum puro naman theory…”
Cagayan de Oro Chamber of Commerce Chairman of the Board Ray Talimio

SOURCE: GMCDO
Photo:BusinessWorld Online