Pagkasunog sa kapin kon kulang 11 ka panimalay sa Brgy. Tablon ning ciudad, mikalas sa usa ka kinabuhi!
NASUNOG-PATAY ang usa ka giingong special child sa Brgy. Tablon ning ciudad kagabii!
Naila ang biktima 22 anyos ug residente sa lugar.
Matud ni Tablon Fire Station personnel FO1 Ron Jasper Canios nga sa comfort room na nakit-an ang lawas sa 22 anyos.
“…isa ka buok more or less 20 years old siya unya didto siya mismo sa CR nakita sa iyang balay…”
Tablon Fire Station pesonnel FO1 Ron Jasper Canios
Samtang, mikabat sa kapin kon kulang 150-mil pesos ang damyos sa natigayong sunog sa Purok 10, Baloy, Barangay Tablon ning ciudad kagabii!
Gibana-banang ana-a sa kapin kon kulang 11 ka panimalay ang nasunog ug 4 ka ten wheeler truck ang nalakip sa pagkasunog, usa usab ka special child ang gituohang missing.
Giingong naggikan ang sunog sa ikaduhang andana sa panimalay ni Abdul Romulo.
Matud ni City Fire District Chief of Operation Senior Inspector Kyle Brian Lauson nga padayon nilang gi-imbestigaran ang hinungdan sa kalayo.
“..residential ni siya nga sunog ang origin nato sa 2nd floor sa Abdul Romulo nga balay. Naa tay estimated damage nga more or less 150,000. Ang cause of fire wala pa kay on going pa atong investigation. Naa tay na report nga missing kay naa may pamilya nag claim…”
City Fire District Chief of Operation Senior Inspector Kyle Brian Lauson
Samtang, temporaryong gipahimutang sa Barangay Tablon Officials ang mga apektadong pamilya sa covered court.
SOURCE: SRLIVE
Photo: SR Files
