Paghapak dautang panahon sa Mindanao, walo patay sigon sa NDRRMC!
MISAKA sa walo ang namatay sa Mindanao tungod sa dautang panahon!
Sa ulahing report sa National Disaster Risk Reduction and Management Council kon NDRRMC nga Tropical Cyclones Carina ug Butchoy lakip na Southwest Moonson kon Habagat ang naka-apekto sa nagkadaiyang parte sa nasud.
Matud sa NDRRMC nga pito ka tawo ang kumpermadong namatay gikan sa Mindanao.
Upat gikan sa Zamboanga ug matag usa gikan sa Northern Mindanao, Davao ug Bangsamoro Autonomous Region in Muslim Mindanao kon BARMM.
Padayong gi-beripika ang laing namatay sa BARMM.
Upat sa biktima ang namatay sa trauma o suffocation tungod na-trap human sa landslide sa duha ka sitio sa Barangay Pamucutan, Zamboanga City.
Mi-abot na sa 866, 483 ka tawo o 179, 744 ka pamilya ang apektado sa Carina, Butchoy ug Habagat sa MIMAROPA, Western Visayas, Central Luzon, Zamboanga, Northern Mindanao, Davao, Soccsksargen, Caraga ug Bangsamoro.
Samtang, gi-suspenso sa Malacañang ang trabaho sa government offices ug klase sa tanang level sa National Capital Region kon NCR kaganihang alas 2 sa hapon.
Tungod sa padayong pag-ulan nga dala sa Southwest Moonson ug typhoon Carina.
Apan, giklaro nga magpadayon ang operasyon sa mga ahensiya nga nalambigit sa basic and health services, disaster-preparedness and response ug ubang importanteng serbisyo.
SOURCE: GMA news/ ABS CBN news
Photo Source: SANDIGAN NEWS
