Pag-appoint ni Vice President Duterte sa iyang kaugalingon isip “dedicated survivor sa umaabot SONA ni PBBM gitawag sa Kabataan partylist nga “delulu ug pa main character effect”!

GITAWAG sa Kabataan partylist si Vice President Sara Duterte nga “delulu” o delusional sa pag-appoint sa iyang kaugalingon isip “designated survivor”!
Human mipahibalo nga dili motambong sa SONA ni President Ferdinand Marcos Jr., sa umaabot Hulyo 22.
Matud ni Kabataan Partylist Executive Vice President Renee Louise Co. nga susamang “pa main character” ang drama sa Bise-Presidente, nga nagpresentar sa kaugalingon isip opposition apan wala kini mailad.
Gidugang pa ni Co. nga ang tinuod nga lideres kanunay’ng magpakita aron tubagon ang panawagan nga pag-alagad sa katawhan ug dili lamang kung kini convenient sa ilang political ambitions.
Hisayran nga wala mihatag og rason o explanation ang Bise-Presidente nganong dili kini motambong sa SONA.
Una nang mipalag si Manila 3rd District Rep. Joel Chua sa pag-anunsyo sa Bise-Presidente nga gi-appoint niini ang kaugalingon isip “designated survivor”.
Matud ni Congressman Chua nga dili maayo paminawon ang komedya sa bise-presidente ilabina kung lantawon ang kasamtangang political tensions.
Tungod dili ti-aw ang seguridad sa Presidente sa nasud.
Gidugang ni Chua, nga wala’y gahom ang Bise-Presidente nga i-appoint ang kaugalingon isip designated survivor tungod sa 1987 constitution,

SOURCE: INQUIRER NET
Photo:Philstar Life