Operasyon sa POGO dili na itugot sa dako nga lugar ug compounds, sigon sa PAGCOR!
DILI na itugot sa Philippine Amusement and Gaming Corporation kon PAGCOR ang operasyon sa Philippine Offshore Gaming Operators kon POGO sa dako nga lugar ug sa compounds!
Gihimo ni PAGCOR Chairman and CEO Alejandro Tengco ang maong anunsyo sa Senate hearing human gipangutana ni Senator Sherwin Gatchalian nga siguruhong wala na’y POGO sa nasud nga malambigit sa krimen.
Matud ni PAGCOR Chairman and CEO Tengco nga mahimo nang specific ang site ug specific ang building sa operasyon sa POGO.
Sukwahi sa POGO compounds sa Bamban, Tarlac ug Porac, Pampanga nga gi-raid sa otoridad tungod sa giingong pagkalambigit sa ilegal nga kalihukan sulod sa establishemento.
Dili makasiguro si Tengco nga dili na makahimo og krimen ang POGO apan siguraduhon niini nga mosunod sa bag-ong gabayan ug enhancements sa PAGCOR ang nabiling 43 nga lisensyadong POGO firms.
Magmugna usab sila og team nga mo-monitor 24/7 sa POGO firms aron mapugngan ang kriminal nga kalihukan.
Andam ang ahensya nga mosunod sa desisyon sa Presidente kung i-ban ang POGO sa nasud.
SOURCE: GMA news
Photo: Philippine Star
