Missionary Japanese national nga nag-inusara og puyo sa iyang panimalay sa Barangay Kauswagan ning ciudad, napalgang patay!
NAPALGANG-PATAY ang usa ka foreign national sulod sa iyang pinuy-anan sa Zone 2, Barangay Kauswagan ning ciudad!
Giila ang biktima nga si Hokkada Fushinishi, 78-anyos, ug Japanese national.
Base sa initial nga imbestigasyon nga missionary ang biktima hinungdan nga napadulong kini sa ciudad.
Giingong 2008 pa ang biktima sa dakbayan ug nag-inusara lamang kini nga nagpuyo sa dakong balay.
Gibutyag ni Jumar Manayaga higala sa biktima nga adunay katabang kaniadto ang biktima apan giingong nawad-an kini og pagsalig human gikawatan hinungdan nakadesisyon kini’ng mag-inusara kauban ang binuhing iro.
Gidugang pa nga kapi’g duha ka semana na nga wala migawas ang biktima sa iyang panimalay hinungdan nga nakadesisyon kini nga i-report sa Kapulisan aron masuta ang kahimtang sa biktima apan nasuta na lamang nila nga naghayang na ang biktima sa comfort room nga wala’y kinabuhi ug na-agnas na ang lawas.
Samtang, kontakon pa ni Manayaga ang pamilya sa biktima, aron mapahibalo ang nahitabo sa biktima.
“..once nga maguba iyang trust nimo dili na gyud musalig siguro sa ikaduhang higayon wala na siya misalig ang iyang kuan nga siya na lang gyud ang mag kuan sa iyang kaugalingon. Ako bang ibalay akong storya para dili masakitan email lang kay wala man siyay messenger..”
Jumar Manayaga higala sa biktima
Matud ni Police Station 4 Carmen Commander Police Major Mantala nga wala’y foul play sa kamatayon sa biktima.
Ipaubos usab sa autopsy ang patay’ng lawas sa biktima aron masuta ang tinuod nga gikamatyan.
“..no foul play makita didto sa area incident. Ang mga personal things aning biktima naa pa didto intact walay sign of struggle for possible ato kini i autopsy para determine nato final examination nga makita wala kini gipatay nga tawhana..”
Police Station 4 Carmen Commander Police Major Mantala
SOURCE: SRLIVE
Photo: Brgy Kauswagan
