Mayor Rolando Uy Spokesperson Actub mihimakak nga adunay gipang-apod apod nga cash assistance si Mayor Uy alang sa pagbukas sa klase!

GIHIMAKAK ni Mayor Rolando Uy Spokesperson John Guillmore Actub nga adunay gipang-apod apod nga cash assistance si Mayor Uy alang sa mga elementary ug high school students sa pagbukas sa klase!
Dungan sa pagpahigayon sa People’s Day sa City Hall karong adlawa.
Matud ni Spokesperson Actub nga wala nanawagan ang Mayor nga modalikyat ang mga ginikanan sa City Hall alang sa maong ayuda.
Gituohang nabiktima sa sayop nga impormasyon ang sobra sa 10 ka indibidwal nga nakadalikyat sa City Hall kaganihang buntag.
Bitbit sa mga ginikanan ang giingong certificate gikan sa Principal ug Certificate of Indigency sa Barangay.

“…dunay mga pipila ka ginikanan nga nianhi tawon dinhi, nangadlawon ug anhi dinhi unya nag lukat og mga certificate of indigency ug kanang certificate of indigency gikan sa mga principal gikan sa eskwelahan nga nangayo ug cash assistance gyud ang gipangayo nga ayuda, mahitungod lage daw nga naa daw panawagan si Mayor noh sa katawhan sa mga kabarangayan nga moanhi sa People’s Day which is mao gyud na atong gipanghimakak kay wala nanawagan atong mayor nga mo anhi sa People’s Day kay tungod dunay ipang apod-apod nga cash assistance sa elementary ug highschool nga estudyante, mao to nga luoy pud atong katawhan nga nabiktima rapud sa misinformation nga nikalat sa atong mga kabarangayanm, kaganina atong na recieve mga napulo ra to sila…”
Mayor Rolando Uy Spokesperson John Guillmore Actub.

SOURCE: P.I/#27
Photo Source: CIO