Lima ka high ranking officials sa DepEd, nagsumiter sa ilang resignation letter!

MISUMITER sa ilang resignation letters ang lima ka high-ranking officials sa Department of Education kon DepEd ngadto kang President Ferdinand Marcos Jr. karung adlawa!
Una milingkod si Senator Juan Edgardo “Sonny” Angara isip bag-ong Education Secretary karung semanaha.
Lakip sa nagsumiter sa ilang resignation sila’ng Undersecretary Michael Poa, Undersecretary for Administration Nolasco Mempin, Assistant Secretary Sunshine Fajarda, Assistant Secretary for Procurement Reynold Munsayac ug Assistant Secretary for Administration Noel Baluyan.
Epektibo ang ilang resignations sa umaabot Hulyo 19, 2024 susama kang outgoing DepEd Secretary Vice President Sara Duterte.
Una nang gipasabot ni Poa nga hatagan nila og oportunidad ang incoming DepEd Secretary nga mopili sa mahimong kabahin sa iyang team.
Ipahigayon ang turn-over ceremony sa DepEd office sa umaabot Hulyo 18.
Samtang, gibutyag ni Senator Angara nga andam kini’ng makatrabaho ang bisan kinsa.
Human pipila ka officials sa ahensya ang nagsumiter sa ilang resignations.
Matud ni Angara nga dili kini political position ug mahinungdanon ang timing sa iyang appointment isip bag-ong Kalihim sa DepEd ilabina nga magsugod ang ting-klase sa Hulyo 29.

SOURCE: ABS-CBN NEWS
Photo: ABS-CBN News