Kusog nga ulan sa South Korea, upat (4) ka tawo patay!
PATAY ang upat (4) ka tawo sa South Korea!
Human nasinati-an sa tulo ka rehiyon sa South Korea ang pag-ulan nga makita kausa sa matag 200 ka tuig.
Nakasinati sa kusog nga ulan ang rehiyon sa Geumsan sa South Chungcheong, Chupungnyeong sa North Chungcheong ug sa Gunsan sa North Jeolla.
Milapas na ang tubig sa pipila ka suba sa nasud ug nagbaha ang dalan tungod sa kusog nga ulan.
Nakit-an sa rescuers ang lawas sa tawo nga na-trapped sulod sa elevator human gibaha ang studio apartment.
Laing biktima ang nakit-an sa kanal ug usa ka lalaki ang napalgan sulod sa sakyanan.
Ang katapusang biktima namatay human mi-collapsed ang panimalay tungod sa landslide.
SOURCE: CNA news
Photo:South China Morning Post
