Kalamansig Sultan Kudarat gitay-og sa 6.5 magnitude nga linog; Cagayan de Oro Intensity-I!

NASINATI-AN sa Cagayan de Oro ang Intensity-I sa linog kaganihang alas 10:13 sa buntag!
Matud ni Philippine Institute of Volcanology and Seismology kon PHIVOLCS-10 Director Marcial Labinay nga ang epicenter sa linog anaa sa 91 kilometros sa Southwestern sa Kalamansig Sultan Kudarat.
Nasinati-an sa lugar ang 6.5 magnitude nga linog ug tectonic ang origin.
Samtang, Intensity III ang Glan Sarangani ug Intensity II ang General Santos City, Maitom, Quiamba, Kalapaitan Sarangani, Koronadal City ug Tupi.
Intensity-I ang Kidapawan ug Cotabato City.
Gipasabot ni Director Labinay nga wala kaayo masinati sa Region 10 ug Cagayan de Oro ang linog tungod layo ug lawom ang point of focus sa linog.
Walay gi-isyu nga tsunami alert apan lauman ang aftershocks sa linog.

“…alas 10 sa kabuntagon naa ang iyang epicenter sa ninety one kilometer Southwestern sa Kalamansig Sultan Kudarat. So medyo lawon kaayo siya six hundred fifty one ang iyang ipofocus sa purely tectonic in origin, six point five ‘yong magnitude. So wala kaayo ta matandog sa Region 10 naa lay intensity Iang Cagayan de Oro. So Intensity III ang Glan Sarangani, Intensity II General Santos City, Maitom, Quiamba, Kalapaitan Sarangani, Koronadal City, Tupi. Intensity I Kidapawan City ug Cotabato City. Yes intensity I hinay lang kayo kay layo siya tapos siya lalom kayo ang iyang ipofocus. ah wala ta nag issue og tsunami alert gumikan kay dili man siya tandog…”
PHIVOLCS-10 Director Marcial Labinay

SOURCE: P.I/#27
Photo: Remate Online