Former Mayor Oscar Moreno, gitawag nga “black propaganda” sa kampo ni Mayor Uy ang giingong sagad sa mibalhin nga botante sa Barangay Carmen, residente sa Balingasag, Misamis Oriental!

GITAWAG nga “black propaganda” ni Former Mayor Atty. Oscar Moreno ang giingong pagpakatag sa kampo ni Mayor Rolando Uy nga sagad sa mibalhin nga botante sa Barangay Carmen ning ciudad taga Balingasag Misamis Oriental!
Matud ni Atty. Moreno nga giingong abogado ni Cagayan de Oro 1st District Rep. Lordan Suan ang mireklamo sa 16-mil ka bag-ong botante.
Gipamugos ni Atty. Moreno nga wala’y kamatuoran nga taga-Balingasag ang nahisgutang botante.
Tungod una usa sa gikinahanglan nga rekisitos sa pagrehistro mao ang barangay certification.

“..dili COMELEC ang nagsulti…sa grupo na ni Klarex. How can the COMELEC say that, black propaganda na nilang Klarex tkay actually kana karong gi reklamo, ang nag reklamo ana nahibaw an nako ang mga abogado ni Congressman Lordan, subject sa reklamo 4,332 something una pa lang na pero actually ang naka rehistro sa Carmen muabot sa 16,000 ing ana ka daghan. Grupo nila Klarex gadagugon ang issue labi na ilang i feed sa media. You have been feed with the wrong information kay dili na taga Balingasag…”
Former Mayor Atty. Oscar Moreno.

Samtang, gitawag ni City Mayor Spokesperson Jann Guillmore Actub nga fake news ang gibuhi-ang pulong ni Kanhi Mayor Moreno nga si Mayor Uy ang nagpasiugda sa pagpakatag nga giingong taga Balingasag Misamis Oriental ang sagad nga mibalhin nga botante sa ciudad
Matud ni Actub nga sa ka-busy sa Mayor wala kini panahon nga magpasiugda sa mga isyu.

“…lain na pod ni pasumangil na pod sa kanhing Mayor iyang pasangil atong Mayor Klarex Uy nga mao na sad nagpasi-ugda sa maong balita.
dunay usa na pod ka fake news iya na pod gipahid sa atong halangdung Mayor. Sa ka busy sa atong Mayor, wala na siyay panahon i-entertain anang issues regarding anang social media…”
City Mayor Spokesperson Jann Guillmore Actub.

SOURCE: SH&V
Photo Source:SRLIVE