Dokumento nga gi-isyu batok sa POGOs nga kinahanglang magsirado kini sa dili pa ang Agosto, giingong peke sigun sa PAGCOR!

GIHIMAKAK sa Philippine Amusement and Gaming Corporation kon PAGCOR ang giingong dokumento nga gi-isyu batok sa Philippine Offshore Gaming Operators kon POGOs nga kinahanglang magsirado kini sa dili pa ang Agosto!
Base sa pamahayag nga gipagawas sa buhatan, giingong peke ang nahisgutang dokumento ug gi-awat lamang ang memorandum nga gi-isyu human sa ikatulong state of Nation Address kon SONA ni President Ferdnand Marcos Jr.,.
Matud ni PAGCOR Offshore Gaming Licensing Department Head Atty.Jessa Mariz Fernandez nga nagtinguha ang pekeng dokumento nga magmugna og kalibog ug kagubot.
Gidugang ni Atty. Fernandez nga pa-imbestigaran nila kini sa National Bureau of Investigation kon NBI aron mabutyag ang nagpaluyo niini ug ang motibo.
Una nang mi-apelar ang PAGCOR sa Presidente nga dili ilakip ang 12 ka POGOs sa nationwide ban.

SOURCE: GMA NEWS
Photo: OneNews.PH