Damyos sa pagkaugdaw sa duha ka panimalay sa Macanhan, Barangay Carmen, mikabat sa kapin kon kulang 100,000 pesos!

MIKABAT sa kapin kon kulang 100,000 pesos ang damyos sa pagkasunog sa duha ka panimalay sa Macanhan, Barangay Carmen ning ciudad karung hapon!
Gipanag-iyahan ang panimalay sa King Gamayon ug Eutiquio Espoto.
Giisa ang fire alarm status sa 1st alarm.
Base sa inisyal nga imbestigasyon giingong wala’y tawo sa duha ka panimalay atol sa sunog.
Matud ni Bureau of Fire Station Carmen Commander SFO4 Daniel Sabuero Pinuliad nga posibleng sa ubos nga bahin sa panimalay nagsugod ang kalayo.
Padayon usab nga imbestigaran sa otoridad ang hinungdan sa kalayo.

“…residential fire. time of arrival atong dagan 6 minutos. Ang tag iya ani si Dondon Esqoto Jr ug si Eking Gamayon. Under investigation pa. As possible dili mani magsugod sa taas naay gyud sa ubos. Estimated damage is 100,000..”
Bureau of Fire Station Carmen Commander SFO4 Daniel Sabuero Pinuliad

SOURCE: SRLIVE
Photo: SR files