Councilor Imee Moreno, nadismaya human gihimong drug den ang gambalay sa Cugman National High School!

NADISMAYA si Councilor Imee Moreno human nakit-an mismo ang gambalay sa Cugman National High School nga tulo na katuig nga wala magamit ug gihimong drug den!
Matud ni Councilor Moreno nga daghan mga gamit sa tunghaan ang nangawala.
Nasubo kini tungod klaro nga adunay kakulangon sa classrooms apan wala nagamit ang maong gambalay.

“..naa tay nadunggan nga naay bag ong facility nga Cugman National High School nga wala daw gigamit so last week niadto ko didto because gusto nako makit an kung tinuod kung unsa bay status sa skwelahan. Unfortunately, nakit an nako mismo nangawala na ang mga gamit sa skwelahan. Ang mga jalousie, electrical wiring, PVC ug mga bakal gipangkawat na , even ang mga circuit breaker pati toilet bowl, lababo. And sadly gihimo napod siyag drug den and it’s very disheartened kay kabalo naman ta nga naay scarcity kulang kaayo atong skwelahan..”
Councilor Imee Moreno

Gibutyag niini nga kuryente ug tubig ang kulang sa gambalay.

“…ang kulang ang is ang kuryente, tubig mao na ang problema. Tulo na ka tuig wala nagamit sa mga bata naay scarcity baya sa mga classroom. Unta kung atong ipagamit ang bag o nga facility, dako nga tabang para sa brgy Cugman nga mga studyante..”
Councilor Imee Moreno

Buot niining madunggan ang local school board aron masulbad ang problema.

“..initially ga investigate ko on my own. I really want to hear from the local school board kung unsay plano. Unsa bay buhaton para mahuman ang issue, ma solbad ang problema in the end of the day kinahanglan gyud is mahatag ni sa katawhan sa mga bata..”
Councilor Imee Moreno.

Hisayran nga usa kini ka 4-storey building ug 63 million pesos ang pundo sa pagpatukod ug 2022 pa kini natibawas.

SOURCE: #19
Photo:Victor Tagarda