Bantay Tubig Movement nag rally atubangan sa COWD aron i-singit ang pagbasura sa kontrata tali COBI!
NAGRALLY atubangan sa Cagayan de Oro Water District kon COWD ang Bantay Tubig Movement!
Nangulo sa rally si Bantay Tubig Movement Lead Convenor Former Councilor Eric Salcedo.
Singit sa mga nag-rally ang pagbasura sa kontrata sa COWD tali Cagayan de Oro Bulk Water Incorporated kon COBI nga giingong nakahatag og kalisod sa katawhan.
Matud ni Former Councilor Salcedo nga tataw kaayo nga pabor ang Interim General Manager ug Interim Board of Directors sa COBI.
Gihangyo niini si Interim General Manager Fermin Jarales nga mo-uli na sa Initao, Misamis Oriental tungod wala kini gikinahanglan sa Cagayan de Oro.
Lakip ang Interim BOD tungod giingong walay kasing-kasing kay dili taga ciudad.
“…kami ga singgit nga ibasura ang kontrata, ato paning 2017 atong gisinggit uban ni Late Councilor Bong Lao ug ni Former Councilor Boboy Daba mga kaigsounan kini nga kontrata tungod kay mao ni ang maka palisud natong mga katawhan dinhi sa dakbayan ilabi na ang mga konsumante…”
Giingong nagpadayag na ang set aside General Manager ug Board of Directors nga i-terminate ang kontrata sa COWD ug COBI.
“…ang among gikinahanglan katong daan nga mga board of director nga inyong gipapahawa, katong giingon ninyo nga set-aside nga board of director ug katong GM maoy among gikinahanglan tungod kay sila mismo nipadayag na nga i-terminate na kining maong kontrata kay maoy makahatag ug kalisdanan sa atong mga igsoun ilabi na atong mga igsoun nga kabus…”
Gitudlo usab ni Former Councilor Salcedo si former Mayor Oscar Moreno nga maoy hinungdan sa kagubot karon.
“…kini nga kagubot ang hinungdan aning tanan katong kanhing Mayor si Oscar Moreno maoy hinungdan aning kagubot…”
Bantay Tubig Movement Lead Convenor Former Councilor Eric Salcedo.
SOURCE: SR LIVE
Photo Source: SR LIVE
