Backrider sa mi-overshoot nga motorsiklo sa Tagoloan, Misamis Oriental, patay!
PATAY ang usa ka backrider human na-overshoot ang gisakyang motorsiklo sa Tagoloan Misamis Oriental kaganihang kadlawon!
Biktima’ng patay giilang si Jerome Anito Jr., 32-anyos ug giila ang driver nga si Jayson Quinalagan 32-anyos.
Base sa imbestigasyon nga gikan nagvidgil ang mga biktima sa Villanueva ug pauli na kini sa dihang nahitabo ang insidente.
Naka-angkon ang backrider og head injury nga hinungdan sa iyang hinanaling kamatayon.
Gilayong gidala sa balay tambalanan ang mga biktima apan gideklarar nga dead on arrival ang backrider samtang padayong nagpa-alim sa balay-tambalanan ang driver.
Matud ni Tagoloan Municipal Police Station Personnel Police Staff Master Sergeant Jephone Añasco nga self-accident ang nahitabo.
“..naay na overshoot Kawasaki nga Rouser 135 black, gidriban ni siya ni Jason Nalagan dayon ang iyang back ride si Jerome Amito Jr. Maoy namatay dead on arrival siya sa Saint Paul hospital. Dayon kini si Jason gi-refer siya sa NMMC, murag nabunal to ang iyang ulo pagka tumba nila igo to iya ulo sa dalan. Self accident rani, nag vigil daw ni sila gikan vigil sa Villa human papauli, wala namo nabaw an kung naka inom ba siya pero kaganina kadlawan danlog ang dalan…”
Tagoloan Municipal Police Station Personnel Police Staff Master Sergeant Jephone Añasco
SOURCE: P.I/27
Photo: X
