ACT-Teachers party-list Rep. Castro, Former Bayan Muna Rep. Ocampo ug uban pa, gisentensyahan sa Tagum Court og pagkapriso sulod sa upat hangtod unom ka tuig!
GIKONBIKTO sa Tagum City Regional Trial Court Branch 2 silang ACT-Teachers party-list Rep. France Castro, Former Bayan Muna Rep. Satur Ocampo ug uban pa sa paglapas sa Speicial Protection of Children Against Abuse, Exploitation and Discrimination Act!
Nag-ugat ang kaso niadtong 2018 nga insidente sa Talaingod, Davao del Norte, diin gi-akusaran sila nga nag-transport sa 14 ka Lumad minors ng magtutungha sa Salugpungan Ta Tanu Ingkanogan Community Learning Center Inc.
Gipamugos sa Bayan Muna nga ang insidente usa ka rescue mission human sa giingong militarization sa nahisgutang tunghaan ug ang giingong aerial bombings.
Sa desisyon nga gipakanaog niadtong Hulyo 3, 2024, gisentensyahan og upat ka tuig hangtod unom ka tuig nga pagkapriso silang Castro, Ocampo, Ma. Eugenia Victoria Nolasco, Jesus Madamo, Meriro Poquita, Maricel Andagkit, Marcial Rendon, Marianie Aga, Jenevive Paraba, Nerhaya Talledo, Concepcion Ibarra, Nerfa Awing, ug Wingwing Daunsay
Gimandoan usab sila nga bayaran ang 20-mil pesos nga moral ug civil damages sa matag biktima.
Samtang, sa joint statement gibutyag ni Castro ug Ocampo nga kwestyonon nila ang desisyon sa korte “in all venues possible”.
SOURCE: ABS-CBN NEWS
Photo:The Manila Times
