35 pesos nga usbaw sa daily minimum wage sa NCR, gi-aprobahan sa RTWPB!
GI-APROBAHAN sa Regional Tripartite Wages and Productivity Board kon RTWPB ang 35 pesos nga usbaw sa daily minimum wage sa mga trabahante sa National Capital Region kon NCR!
Gikumpirmar kini sa Department of Labor and Employment kon DOLE ug ang opisyal nga kopya sa kamandoan mapagawas karung adlawa.
Misaka kini sa 645 pesos gikan sa 610 pesos.
Base sa report nga epektibo ang usbaw sa suholan 15 ka adlaw human sa publication sa kamandoan sa national dailies.
Dumduman nga nagpahigayon og open forum ang RTWPB-NCR sa nagkalaing-laing stakeholders kabahin sa giduso nga wage increase niadtong Hunyo.
Hisayran nga ang ulahing minimum wage increase sa NCR gipatuman niadtong Hulyo 16, 2023.
SOURCE: GMA NEWS
Photo:HERALD EXPRESS
