Win-win solution alang sa mga apektadong residente sa demolition sa Palalan, Barangay Lumbia ning ciudad, gitinguha ni Kagawad Larede!
NAGTINGUHA si Barangay Lumbia Committee on Peace and Order Chair Kagawad Pepe Larede nga makamugna’g win-win solution!
Alang sa mga katawhang ma-apektohan sa demolition sa Palalan, Brgy. Lumbia ning ciudad.
Human sa nahitabong tension sa lugar tali sa mga resident ug Task Group Demolition ug uban pang law enforcement agencies.
Matud ni Kagawad Larede nga aron mahatagan og kasulbaron kinahanglang magpulong ang representante sa mga apektado’ng residente ug Kapulisan.
“..kini nga sitwasyon dili man gyud ko ka decide ani man gud kay naa man tay Barangay Kapitan. Naa nay first batch ana nga nag adto sa barangay nagpatabang sila para ma relocate. Karon naghangyo man pod si Ground Commander sa police na naa tay himuon nga win-win solution..”
Barangay Lumbia Committee on Peace and Order Chair Kagawad Pepe Larede
Una nang gipamugos sa mga residente nga unta una sila i-demolished kinahanglang iplastar una ang ilang kabalhinan.
“…among ipaglaban among katungod ang amo lang relocation lang naay atop, naay ding-ding, nay salog mao ra may amo. Unya nag demolish siya way court order ang ingon sa Sheriff igo ra siya mag survey pero ngano nag demolish. Opisyales sa barangay walay ni anhi pagka udto-udto na nga nangguba na dadto ayha pa ni abot si Kagawad Larede. Ganiha pag sugod og demolition walay kapitan, walay kagawad..”
Ang tipik sa pamahayag ni Miss Edmilao
Hisayran nga gikanserlar ang demolition karung adlawa tungod sa pagsaka sa tension.
SOURCE: SRLIVE
Photo: SR files
