Usa ka pedestrian nga mitabok aron mopalit og sigarilyo sa barangay bulua ning ciudad, nabanggaan ug naligsan patay!

DEAD on arrival ang usa ka pedestrian nga nabanggaan ug nalatayan sa motorsiklo ug usa ka white pick-up sa Zone 8, Diversion Road Barangay Bulua ning ciudad!
Giila ang biktima nga si Salvador Cabactolan, 46 –anyos, single ug residente sa Malagana, Claveria Misamis Oriental samtang giila ang driver sa motorsiklo nga si Roldan Ipis, 18-anyos, single ug lumolopyo sa Zone 1, Barangay Bayabas ning ciudad.
Base sa inisyal nga imbestigasyon nga mitabok ang biktima sa pikas nga lane aron mopalit og sigarilyo, pag-abot sa inner lane, maoy pag-agi sa motorsiklo hinungdan nga nabanggaan ug natumba, paingon sa nagdagan nga white pick-up rason nga nalatayan kini hinungdan nga na-unconscious.
Matud ni COCPO-Traffic Enforcement Unit kon TEU Investigator Police Staff Sergeant Raul Ruaya nga gilayon gidala ang biktima sa balay-tambalanan apan gideklarar nga dead on arrival sa attending physician.

“…kining biktima nitabok kay nagpalit og sigarilyo so pag abot sa inner lane maoy pag labay sa motorcycle ug dasmagan ang maong biktima ug natumba ug almost part sa iyang lawas napa ingon didto sa inner lane sa opposite nga direction ug timing maoy pag agi sa white pick up nalatayan sad siya. Gidala dayun ni siya sa NMMC gi deklara kini nga dead on arrival…”
COCPO-Traffic Enforcement Unit kon TEU Investigator Police Staff Sergeant Raul Ruaya

Samtang, nanawagan si PSSG Ruaya sa driver sa white pick up nga motahan sa buhatan aron masulbad ang problema.

“..manawagan ta sa na involve kabalo nana siya ang driver kung kinsa na siya nanghinaut kita andam atong buhatan sa imong pag tahan aron mahatagan og kasulbaran ang problema…”
COCPO-Traffic Enforcement Unit kon TEU Investigator Police Staff Sergeant Raul Ruaya

SOURCE: SRLIVE
Photo:LeaBacz