Tulo ka tawo nga namatay sa panagbangga sa Magsaysay Misamis Oriental, naila na!
NAILA na ang tulo ka biktima nga namatay sa panagbangga tali sa van ug trailer truck sa Sitio Kimaya, Barangay Consuelo Magsaysay Misamis Oriental!
Giila ang mga biktima nga silang John Mark Cabaya, hingkod ang panuigon, lumulopyo sa Agusan del Sur, Alyas Junrey residente sa Ilo-ilo samtang, ang, usa 17 anyos nga babaye.
Matud ni Magsaysay Municipal Police Station Desk Officer Patrolman Ear Earl Gonzales nga base sa inisyal nga imbestigasyon nakatagpilaw ang driver sa van hinungdan nga napaingon kini sa lane sa trailer truck nga adunay karga nga bulldozer ug nahitabo ang head on nga panagbangga.
Samtang, nagka-amicable settlement na ang pamilya sa mga biktima ug ang driver sa truck.
“…murag mag settle lang sila. Ang katong van murag nakatagpilaw siya kay ni kuan sa pikas lane kay naa man sa right way ang trailer siya ang murag mugawas sa iyang lane..”
Magsaysay Municipal Police Station Desk Officer Patrolman Ear Earl Gonzales
SOURCE: P.I/#8
Photo: MAGSAYSAY MPS
