Pamahayag ni COWD IGM Jarales nga naghi-usa ang mga empleyado sa buhatan, gitawag ni COWD BOD Caño nga propaganda o assessment lamang!
GITAWAG nga proganda o personal nga assessment lamang sa COWD Interim General Manager ang giingong paghi-usa sa mga empleyado sa buhatan!
Nunot kini sa giingong silent protest sa mga empleyado.
Matud ni COWD Board of Director Gerry Caño nga tataw kaayo nga adunay mga expression sa empleyado nga supak sila sa nahitabo sa COWD.
“…siguro propaganda or iyaha lang kanang assessment personal noh. pero sa kinauyokang bahin sa kining pagbati sa empleyado ug sa management basin dili na mao ang kinauyokang bahin sa ilang desisyon. kay ato man makita nga naay expression gihapon nga tataw diin naghatag og ebidensiya nga supak sila sa panghitabo. Pwede usab kana nga matan aw kung adunay action legal nga pagabuhaton ang mga manager o empleyado sa Cagayan de Oro Water District mao kana mutabang nianang claim kabahin sa gipamahayag sa atong interim..”
COWD Board of Director Gerry Caño
Una nang gilauman ni Director Caño nga magpadayag sa ilang gibati ang mga empleyado pinaagi sa pagsuot og arm band ug ubang kalihukan.
Human sa interbensyon sa Local Water Utilities Administration kon LWUA sa COWD.
Giklaro usab niini nga kaugalingong desisyon kini sa mga mamumuo isip labor union.
“..gilauman nga adunay pag express ang atong mga empleyado sa Cagayan de Oro City Water District kabahin sa mga panghitabo nga adunay intervention mo take over LWUA sila nga mga empleyado sa Cagayan de Oro City Water District mipadayag usab sa ilang posisyon sa ilahang frustration pinaagi sa pagsul ob og arm band ug uban pang mga kalihukan unya. Ila kining kaugalingong kabubut on ila kining kaugalingong desisyon as a labor union kay kini atong Cagayan de Oro City Water District dugaydugay napod ning ilahang labor union ug aktibo man nalambigit kining atong labor union aron sa pagpaabot sa ilang posisyon ug gibati..”
COWD Board of Director Gerry Caño
Dumduman nga namahayag si COWD Interim General Manager Jarales nga naghi-usa ang mga empleyado sa COWD.
SOURCE: SHV
Photo: google
