Lalaki nalatayan-patay sa bus sa Malaybalay City, Bukidnon!

NALATAYAN-patay sa Bus ang usa ka lalaki sa Sayre Highway, Purok 5, Brgy. San Jose, Malaybalay City, Bukidnon!
Naila ang biktima nga si Jacky Dalihanto, 28 anyos, menyo taga Brgy. Bolonay, Impasug-ong Bukidnon samtang ang driver naila nga si Darwin Garcia, 37 anyos, menyo, taga Purok 3 Laruhas, Maramag Bukidnon.
Matud ni Malaybalay City Police Station Information Officer Police Executive Master Sergeant Alexander Calma nga padulong ang bus sa Maramag Bukidnon ug pag-abot sa lugar sa insidente, wala nabantayi sa driver ang biktima nga misulay pagtabok sa dalan.
Naka-angkon sa grabing samad sa ulo ang biktima ug dali nga gidala sa hospital apan gi-deklarang Dead on Arrival sa attending physician.
Sa karon naka-kustodiya sa Malaybalay Police Station ang driver sa bus samtang gihulatan pa ang desisyon sa pamilya sa biktima.
Hisayran nga atol sa insidente, alum-om ang dalan tungod sa ulan.

“…naay vehicular incident involving pedestrian sa Sayre Highway, Purok 5 Brgy San Jose, Malaybalay. Biktima sa pangalan Jacky Dalihanto 28 years old minyo ug lumolupyo sa Brgy. Bolonay, Impasug-ong nabangaan kini sa usa ka Super Five Bus nga gimaneho sa usa ka Darwin Garcia 37 years old ug minyo lumolupyo sa Purok 3 Laruhas, Maramag Bukidnon. Kaning bus going to Maramag aksidente nga nabanggaan kining maong biktima nga ni attempt og labang sa Sayre Highway hinungdan nga nasagip siya sa left portion sa bus, naligsan siya ug gi dala dalidali sa tambalan apan gi deklara nga dead on arrival. Di na ma porma ang ulo kay napusa man, naligsan man..”
Malaybalay City Police Station Traffic Information Officer Police Executive Master Sergeant Alexander Calma

SOURCE: P.I/#27
Photo: Google