Kaso sa STSS natala sa Pilipinas!

GIKUMPIRMAR sa usa ka infectious diseases expert nga nagtala ang Pilipinas sa mga kaso sa streptococcal toxic shock syndrome kon STSS, usa ka deadly bacterial infection nga kasamtangang mikaylap sa Japan!
Matud ni Infectious diseases Expert Dr. Rontgene Solante nga base sa clinical experience pipila ka kaso sa STSS ang naila sa Pilipinas.
Sa Japan, miabot ang kaso sa 900-1000.
Lakip sa mga sintomas niini ang hilanat, pagpanakit sa lawas, pagkaluya ug pagsuka.
Posible usab nga magbaton og pagpangitom sa samad, nga moresulta sa low blood pressure ug lisud nga pagginhawa.
Sagad sa matakdan ang hinay og immune sytem o resistensya.
Sama sa mga tigulang, diabetic ug chronic renal failure.
Nagpasidaan si Solante ang vulnerable population nga mag-amping aron makalikay sa sakit.
Mahimong magsul-ob og face masks ug maghugas og kamot.

SOURCE: PHILSTAR
Photo Source: PHILSTAR