Duha ka managlahing sunog natigayon sa ciudad; damyos sa unang sunog, 23 million!
MIKABAT sa 23 milyones pesos ang damyos sa nahitabong sunog sa Brgy. 20 ning ciudad karong buntag!
Gi-isa kini sa 3rd alarm.
Matud ni Cogon Fire Station SFO1 Joel Ejoc nga nagsugod ang pag-ulbo sa kalayo sa 2nd floor sa panimalay ni Bernie Diaz.
Naka-angkon ang tag-iya og 2nd degree burn sa iyang abaga.
Gibana-banang siyam ka balay ug establishment.
Imbestigaran pa sa BFP ang hinungdan sa kalayo.
“…under investigation pa gihapon nag declare nag fire out alas 10 35. Naa sa 23 million more or less. Ang origin of fire residential house ni Bernie Diaz sa 2nd floor. So far naa pa sa 9 houses on going pa gihapon, 3rd alarm siya. Na injured si Bernie Dias og 2nd degree burn sa iyang abaga. Gi attempt man niyag palong…”
Cogon Fire Station SFO1 Joel Ejoc
Samtang, gamay’ng sunog ang nahitabo sa Pabayo-Neri St. ning ciudad.
Matud ni Cogon Fire Station SFO1 Ejoc nga nagsumikad ang gamay’ng sunog sa condenser sa aircon tungod posible’ng nag overheat.
Mi-abot usab sa 1, 000 pesos ang damyos sa sunog.
“…commercial building about to open na unta sila ang ilang gi display ani electronics and beauty products. Ang origin of fire sa ilang aircon didto nagsugod ang kalayo minimal damage lang ang mga pintal lang. Posible nag overheat tungod sa continuous ang andar sa aircon so wala nabantayi…”
Cogon Fire Station SFO1 Joel Ejoc
SOURCE: SR Live
LIVE: JMB at Brgy. 20
Photo: SR FIles
