DILG gi-depensahan ang giingong “overkill” nga pagsilbi sa warrant of arrest kang KOJC leader Quiboloy!

GIDEPENSAHAN ni Department of Interior and Local Government kon DILG Secretary Benhur Abalos ang giingong “overkill” nga pagsilbi sa warrant of arrest batok kang Kingdom of Jesus Christ kon KOJC leader Apollo Quiboloy niadtong lunes!
Human gitawag ni former President Rodrigo Duterte nga overkill ang pag-serve sa warrant of arrest.
Matud ni Secretary Abalos nga dili overkill ang operasyon sa Special Action Force kon SAF ug Criminal Investigation and Detection Group kon CIDG tungod pagpangandam lang ang gihimo sa posible’ng mahitabo human nagbuhi og pulong si Quiboloy nga dili kini magpadakop nga buhi.
Gipasabot ni Abalos nga augmentation ang gidaghanon sa mga pulis tungod sa kaluag sa lawak sa mga lugar nga gipanag-iyahan sa Pastor ug sa kadaghan sa iyang supporters.
Buot usab sa kapolisan nga proteksyunan ang ilang kaugalingon.

“…si Pastor Quiboloy po ay may kaso, sexual abuse and other act of child abuse dapat malaman at maunawaan ng lahat ito at siya ay may warrant of arrest dahil dito. Sa isang panayan kay Pastor Quiboloy sinabi niya na hindi siya magpapahuli ng buhay. Sana maunawaan ang kahalagahan ng safety ng mga nandoon, ilang beses siyang pinaalalahanan sa mga pulis..”
DILG Secretary Benhur Abalos

Dumduman nga gi-serve sa otoridad niadtong lunes ang warrant of arrest batok kang Quiboloy tungod sa kasong child ug sexual abuse.

SOURCE: Philstar
Photo:Remate Online