Demolisyon sa Camp Evangelista Brgy. Patag ning ciudad, gitakda karong adlawa; COCPO andam mohatag og seguridad!

GITAKDA karong adlawa ang pag-demolished sa Lot 4354 ug 4357 Camp Evangelista, Barangay Patag ning ciudad!
Matud ni 4ID Philippine Army Spokesperson Major Francisco Garello Jr., nga adunay lima ka cluster ang na-identify sa buhatan sa tibuok Lot 4354 ug 4357.
Gidugang sa opisyal nga naka-standby ang military trucks alang sa informal settlers nga mangayog transportation assistance.
Nanghinaot usab kini’ng magmalinawon ang demolition.

“..the court sheriff will implement the demolition by cluster sa Lot 4354, 4357. Mayron tayong standby na military truck to provide assistance, mag vo-voluntary vacate o demolish yung kanilang mga houses…”
4ID Philippine Army Spokesperson Major Francisco Garello Jr.

ANDAM na ang personahe sa Cagayan de Oro City Police Office!
Alang sa paghatag og seguridad sa ipahigayong demolition sa Camp Evangelista, Barangay Patag ning ciudad karung adlawa.
Join forces ang nagkalain-laing law enforcement agency.
Matud ni COCPO Spokesperson Police Lieutenant Col. Evan Viñas nga nagmugna ang buhatan og nagkalain-laing estratehiya aron dili masusama sa nahitabo sa Upper Palalan, Barangay Lumbia.
Gisiguro sa buhatan nga mahimong smooth ang pagpahigayon sa demolition.

“…Andam na ang Cagayan de Oro City Police Office aron sa pag assess ug paghatag og seguridad. Atong kaubang Sheriff, mga court personnel, Barangay official ug mga residente paga proteksiyonan sa atong Cagayan de Oro City Police Office personnel. Ang atong counter parts sa other governent agency naa man mag participate. Dunay mga estratehiya ang Cagayan de Oro City Police Office ug sure nato nga mahimong smooth ug malinawon ang implementasyon sa writ of demolition..”
COCPO Spokesperson Police Lieutenant Col. Evan Viñas

Nanghinaot usab kini nga masabtan sa katawhan nga dili kaaway ang law enforcement agencies ina’y igo lamang kini mituman sa kamandoan.

“..dili kontra dili kalaban ang Cagayan de Oro City Police Office higalang pulis bagkus kini siya maghatag og seguridad sa tanan hilabi na sa mga residente nga naapektuhan…”
COCPO Spokesperson Police Lieutenant Col. Evan Viñas

SOURCE: P.I/8/SRLIVE
Photo: SR Files