Damyos sa nahitabong sunog sa Montalban, Burgos, Barangay 13 ning ciudad, mikabat sa 1.5 million pesos!
KAPIN kon kulang 1.5 million pesos ang damyos sa nahitabong sunog sa Montalban, Burgos, Barangay 13 ning ciudad!
Gibana-banang napulo ka panimalay ang gilamoy sa kalayo ug 20 ka pamilya ang apektado.
Giisa ang fire alarm status sa 4th alarm tungod sa kadako sa sunog.
Dili mapiho sa otoridad kung asa nga panimalay naggikan ang sunog.
Matud ni City Fire District Chief of Operations Senior Inspector Kyle Bryan Lauzon nga padayon pang gi-imbestigaran sa otoridad ang hinungdan sa kalayo.
“…naa tay 1.5 more or less million estimated damage kay naa tay 9 ka buok balay nga totally nasunog, usa ka partially damage. As to origin of cause of fire wala pa mi ma disclose kay under investigation..”
City Fire District Chief of Operations Senior Inspector Kyle Bryan Lauzon
Samtang, temporaryong gipahimutang ang mga apektadong pamilya sa Barangay Hall.
SOURCE: SRLIVE
Photo: SR Files
