City Mayor Uy Spokesperson Actub, andam nga mo-atubang sa Konseho sa Barangay Lumbia aron mangayog dispensa human gideklarar nga persona non-grata!
ANDAM mo-atubang si City Mayor Rolando Uy Spokesperson Jann Guillmore Actub sa Barangay Lumbia Council aron personal nga mangayog dispensa!
Human gideklarar nga persona non-grata sa Konseho sa Barangay Lumbia tungod sa giingong pagpakatag niini sa sayop nga impormasyon kabahin sa relocation site sa mga apektado sa demolition sa Upper Palalan.
Diin giingong dili pa pinal nga mahimong relocation site ang luna sa San Isidro, Barangay Lumbia ug aduna kini bayad.
Matud ni Actub nga nangayo kini og pasaylo tungod wala niini tuyu-a ang gibuhi-ang pulong nga nakahatag og kalibog ug nakapasamot sa tension sa mga apektado sa demolition niadtong unang semana sa Hunyo.
“…nangayo na kita kagahapon ug despensa kanila, kana pud nga interview diri man gyud na sa strong radio, dako man gud kay to nga sitwasyon, mao nang nalitok nako nga dili pa final kay naa pato sa kainit sa maong panghitabo ug dili nato gusto nga ma-mislead ang katawhan, ang ato diay nga mga pulong usa pud sa nakahatag sa paglibog kanila mao nang nangayo kog despensa, kinasing-kasing kung nangayo ug despensa ug pasaylo kanila nga ang atong nabuhat ng usa ka miscommunication usab sa kanila nga naghatag kalibog atong panahon sa demolition nagayo kog dako nga kinasing-kasing nga despensa kanila sa tibuok konseho sa Barangay Lumbia…”
City Mayor Rolando Uy Spokesperson Jann Guillmore Actub.
Una nang gibutyag ni Barangay Lumbia Kagawad Aerol Torralba nga nanawag si Actub kanila og nangayog pasaylo ug misaad nga magpagawas og pamahayag apan mibalik na lamang ang session sa barangay wala gihapon kini nagpagawas og statement.
Hinungdan nga gipalabang sa Konseho ang resolution nga magdeklarar sa tigpamaba nga persona non-grata.
“…kanang adlawa pud as per Kapitan Alexander Torralba nanawag siya kang kapitan nangayog pasaylo nga nasayop siya sa iyang mga gipang buhian nga storya, nag saad pud siya nga magpagawas siyag statement bawion niya iyang gipamulong nga storya para ma-correct ug mangayo siyag pasaylo sa mga tao nga nasakitan sa iyang gi-storya, apan ni abot nalang among session wala gihapon namo nadunggan nga iyang gibawi iyang gipang storya mao nga kami nga mga kagawad tungod kay saiyang gibuhat naka dugang sa samad ug kapait sa sitwasyon sa mga tao namo sa Upper Palalan ug nahimo nga naguba ang panglantaw sa amo sa mga tao, maong nanghingusog ang council sa barangay Lumbia nga tagaan og persona non-grata si Mr. Jann Guillmore Actub…”
Barangay Lumbia Kagawad Aerol Torralba.
SOURCE: SPI
Photo Source: JANBOY ACTUB FB
