Barangay Tablon Kapitan Bacarro, giingong gidiwal-diwalan ug giti-onan og armas sa lady guard sa usa ka planta sa Baloy, Tablon!

GIKUMPIRMAR ni Barangay Tablon Kapitan Romeo Bacarro nga gidiwal-diwalan ug giingong giti-onan og armas kini sa usa ka lady guard sa usa ka planta sa Baloy, Barangay Tablon!
Matud ni Kapitan Bacarro nga nagbisikleta sila kauban si Kagawad Magsayo kaganihang buntag.
Pag-abot sa crossing sa NFA, adunay usa ka wing van nga misulod hinungdan nga mi-give way sila ug pagsulod sa wing van.
Gilayon silang misenyas sa misunod nga mga sakyanan nga sila ang iprayoridad ug gihatagan sila og priority.
Apan, natingala na lamang sila kalit lamang misulpot ang motor ug hapit sila nga naigo.
Giingong gisinggitan sila ug gitawag nga “buang” sa driver sa motorsiklo.
Hinungdan nga gikomprontar nila ug gi-edukar
Hinuon, nangayo’g pasaylo ang driver sa motorsiklo rason nga milakaw na sila.
Apan, kalit lamang milaban ang usa ka security guard ug ang nahisgutang lady guard tungod giingong naka-cause sila og traffic.
Una nahitabo ang insidente nga pagpangdiwal ug giingong pagpangti-on og armas sa lady guard.

“…sinugdanan inani, nag bike mi pag abot namo sa crossing sa NFA, naay crossing diha paingon sab sa Cofipac naay ni unag sulod nga wing van so naka sulod una among gi-gave wayhan pag sunod naay nag sunod layo-layo paman among gi-para nag signal mi nga kami sa ang priority una, so gitagaan mig priority nag hunong tong wing van, natingala mi kay sirit nami nigawas ang motor gi-cross diritso hapit mi na-igo, gi-singgitan pami nga mga buang so among gi-adtoan among gi-konpronta, among gi-educate, isog permiro among giingon nga mo-insist gyud siya so among giingon nga dapat inani nga kung naay gi-una nga kuan tanawon sa nato dili ta mag diretso-diretso kay mao nay maka cause ug problema kay simbako mga banggaan ta, makabangga ta, kami bay mabanggaan nimu o kamo pay ma disgrasya naa tay mga pamilya dili maayo so next time ayaw na buhata, okay na nangayo nag sorry, iyang asawa nangayo nag sorry ang driver nangayo napud ug sorry, nilakaw nako natingala ko akong mga kauban wala kasunod naa man diay security guard sa Cofipac nag apil-apil nigawas niadto sa among area pag duol nako giingnan nako nga guard ayaw na guard, balik na sa imung area kay na settle na ang problema unsa paman atong storyahan, daghan naman ang storya nila kay naka cause mog traffic sa amo amoa ni nga area nag apil na dayon tong lakin-on nga babae nga sekyu niaana nga panghawa mo dili ni inyo…”

Gidugang sa Kapitan nga makigtagbo ang head security guard sa planta kang Kapitan Bacarro.

“…nanawag ko diretso sa incharge sa safety nila sa Cofipac kay gi-report nako about ani, according sa ila mo anhi sila…”

Ikonsulta usab sa Kapitan sa ilang abogado ang maong panghitabo kung unsay angay’ng buhaton.

“…nag session man mi karon unya naa man pud mi lawyer amo ning i-consulta sa lawyer, mag file gyud mig kaso against aning lady guard kay dili man pwede, mao diay nang training niya…”
Barangay Tablon Kapitan Romeo Bacarro.

SOURCE: SRLIVE
Photo Source: SRLIVE