Balor 36.827 billion pesos nga kantidad sa investment sa unang lima ka bulan ning tuig, gi-aprobahan sa PEZA!
APROBADO sa Philippine Economic Zone Authority kon PEZA ang 36.827 billion pesos nga kantidad sa investment sa unang lima ka bulan ning tuig!
Lakip sa gi-aprobahan sa PEZA ang investment commitments, 95 ka bag-o ug expansion projects nga gilaumang makamugna og 1 billion ka exports ug 19,000 ka trabaho.
Gilauman sa buhatan nga makapalig-on sa nagkalain-laing industriya ilabina sa manufacturing ug IT-BPM sectors ang gi-aprobahang investment.
Sa unang duha ka bulan sa ikaduhang quarter ning tuig, mikabat sa 21.875 billion pesos ang na-aprobahang investment.
Mas taas og 4.63 percent kung itandi sa 14.95 billion pesos sa unang quarter.
SOURCE: GMA NEWS
Photo: GMA Network
