45-anyos nga babaye nalatayan sa trailer truck patay!

DEAD on arrival ang usa ka 45-anyos nga babaye nga nalatayan sa trailer truck sa Barangay Puerto ning ciudad!
Giila ang biktima nga si Gigi Hermosa, menyo ug residente sa Zone 3, Barangay Bugo ning ciudad samtang giila ang driver sa trailer truck nga si Jeryl Santos De Dios, 38-anyos ug residente sa Talakag, Bukidnon!
Base sa inisyal nga imbestigasyon nga sakay ang biktima sa motor kauban ang bana apan kalit lamang nadigyas ang gisakyang motorsiklo ug napaingon sa nagdagan nga trailer truck hinungdan nga nalatayan sa ligid ang ulo.
Giingong adunay mga bato sa lugar sa nahitaboan.
Matud ni COCPO-Traffic Enforcement Unit Investigator Police Corporal Frederick Von Cajuelan nga gihulatan pa sa otoridad ang pamilya sa biktima alang sa proper disposition.

“…pag abot didto gi declare na gyud og dead on arrival ang maong biktima. Temporarily ang driver sa truck ato siyang gi safe keeping sa Puerto Station. Ato pang gihulatan ang tagtungod sa pamilya. Possible naay settlement nila. Base sa investigation didto sa area ang maong dalan naay siyay gagmayng bato basin pod hilis guro ang ligid sa motor maong pag apply og brake sa motorsiklo wala na gyud nihawid. Opaw na pod ang ligid sa maong motor diha gyud sa iyang ulo pero naka helmet man to si maam pero wala gyapon natabang kay nalatayan gyud og ligid…”
COCPO-Traffic Enforcement Unit Investigator Police Corporal Frederick Von Cajuelan

SOURCE: SBPSB
Photo:Darklup’s PinSha McLife Jr.