Upat ka lalaki nga nagtinigbasa sa Zayas Landfill, samaran!
SAMARAN ang upat ka lalaki human giingong nagtinigbasay sa Zayas Landfill, karung hapon!
Giila ang mga samaran nga sila’ng Mat-Mat Aligno, Dansoy Aligno, Gigi Aligno ug Joel Kipkipan.
Naka-angkon ang nahisgutang individual og samad sa lawas.
Base sa pamahayag anak ni Joel Kipkipan nga si Jessa Kipkipan nga giingong milabay lamang sila sa lugar, gikan nagsalod og tubig, apan sa ilang paglabay gisalaba sila og bato sa magsuong Aligno.
Gawas niini, gitigbas ang iyang amahan gamit ang sundang nga nagresulta sa duol nga pagkaputol sa kamot.
Nadala sa managlahing balay-tambalanan ang upat ka lalaki.
Padayon’g gi-imbestigaran sa otoridad ang hinungdan sa pagpanigbas.
“…giagi rami gabii tapos akong papa kay gisagpa ug gituok, ambot lang niagi rami gabii kay nanuroy akong papa maong tingala gyud mi kay gituok lag kalit akong papa, samaran man pud sila, sila may una nanglabay og bato…”
Jessa Kipkipan anak ni Joel Kipkipan nga naka-angkon og samad-tinigbasan sa kamot.
SOURCE: SRLIVE
Photo Source: SRLIVE
