Tulo ka balay sa Paglaum Village, Upper Camaman-an nasunog!
Nasunog ang tulo ka balay sa Paglaum Village, Brgy. Camaman-an ning ciudad karong buntag!
Gipanag-iyahan ang tulo ka balay nilang Relldy Rosales, Lea Artajo ug Ronaldo Seban.
Matud ni Nazareth Fire Station Investigator FO1 Quith Jim Salce nga nagsumikad ang sunog sa panimalay ni Rosales.
Giingong sa wala pa mibiya ang tag-iya sa panimalay, gibubu-an niini og tubig ang hinaling gikan nangape apan nakurat na lang nga nakit-an nga nagkalayo ang panimalay.
Mikabat sa 50, 000 pesos ang damyos sa sunog nga gi-isa sa 1st alarm human nadawat ang tawag alas 10:21 sa buntag.
“…base sa akong paghinabi sa tag-iya gyud sa balay, si Relldy Rosales niingon man pud siya nga gikan kuno siya nag sugnod kay mangape niingon pod siya nga nabubuan kuno niyag tubig before siya molakaw pero pag abot niya saiyang eskwelahan, nakita niya ang dakong aso ug nabantayan niya nga mao ni landmark saiyang balay tungod sa mangga. Dali dali siyang nianhi pagkakita niya nga dako dako nagyud ang kalayo. Mao na among basehan karon nga nagsugod sailaha…”
Nazareth Fire Station Investigator FO1 Quith Jim Salce
SOURCE: SR LIVE
Photo: SR files
