Suholan sa BSP executives, dako’ng sagpa sa mga magtutudlo sigun ni Congressman Castro!

DAKO’NG sagpa sa mga magtutudlo nga naglisud sa pag-igo sa suholan ang salaries sa executives sa Bangko Sentral ng Pilipinas kon BSP!
Kini ang pamahayag ni House Deputy Minority Leader and ACT-Teachers Partylist Rep. France Castro human sa bag-ohay nga report sa Commission on Audit kon COA.
Base sa COA 1,429 page report, wala naglakip sa salaries ug allowances sa senators ug congressman, nahimong highest paid official si BSP Governor Remolona Jr., nga adunay gross salaries ug allowances nga nagkantidad og 35-million, 478-thousand, 813 pesos (35, 478,813) niadtong 2023.
Matud ni Congressman Castro nga dili makatarunganon nga magdawat og suhol nga 35.48 million pesos si Remolona samtang ang mga magtutudlo nag-antos sa ubos nga suholan.
Samtang, gitawag ni former ACT Teachers Rep. Antonio Tinio ang report nga “outrageous”.

SOURCE: INQUIRER NET
Photo Source: BSP